പട്ടാമ്പി ദുരന്തം

പട്ടാമ്പിക്കടുത്ത് ആമയൂരില്‍ നടന്ന കൊലപാതക പരമ്പര ആരെയാണ് നടുക്കാതിരിക്കുക.
ഞാന്‍ നട്ടുനനച്ചു വളര്‍ത്തിയ ഫലവൃക്ഷം ഞാന്‍ ഉപയോഗിക്കുന്നതില്‍ എന്താ തെറ്റ് ? എന്നു ചോദിക്കുന്ന തരത്തില്‍ സ്വന്തം മക്കളെക്കുറിച്ച് അച്ഛന്മാര്‍ ചോദിക്കുന്ന വിധത്തിലേക്ക് നമ്മുടെ സമൂഹം അധ:പതിച്ചു തുടങ്ങിയോ എന്ന ആശങ്ക എന്നെ വല്ലാതെ അലട്ടുന്നു. പട്ടാമ്പി ദുരന്തം നമ്മുടെ സമൂഹ മനസ്സാക്ഷിക്കു നേരേയുള്ള ഒരു ചോദ്യചിഹ്നമാണ്. ശരിയായ വിദ്യാഭ്യാസമാണ് ഇതിനുള്ള പരിഹാരം. ഇസങ്ങളുടെ വികല നയങ്ങളെ പാഠ്യ പദ്ധതികളില്‍ തിരുകികയറ്റുന്നവര്‍ ഓര്‍ ക്കേണ്ട ഒരു കാര്യമുണ്ട്. ഇസങ്ങള്‍ക്കുമപ്പുറം, നമ്മനിറഞ്ഞ മനസ്സും, ത്യഗമനോഭാവവും, ഉന്നത മൂല്യങ്ങളുമുള്ള വ്യക്തികളാണ് സമൂഹത്തിനാവശ്യം. അതിനു പാകത്തിലുള്ള വിദ്യാഭ്യാസമാണ് നാം കുട്ടികള്‍ക്കു നല്‍കേണ്ടത്. അല്ലാത്ത പക്ഷം വരുന്ന തലമുറ സാമൂഹ്യമായ വിപത്തുക്കളുടെ കെടുതികളില്‍പ്പെട്ട് ഗതിയില്ലാതെ ഉഴറേണ്ടിവരും. അങ്ങിനെ സംഭവിക്കാതിരിക്കാന്‍ നാം ജാഗരൂകരായിരിക്കേണ്ടത് നമ്മുടെ കടമയാണ്.